Thov nco ntsoov tias cov ntaub ntawv hauv nplooj ntawv no yog xyoo 2020 thiab tej zaum yuav tsis tshiab lawm. Thov saib peb cov ntaub ntawv tshiab tshaj txog NSM.
NSM muaj kev tiv thaiv zoo li cas?
Yog tias koj raug lees paub tias yog ‘tus neeg tau txais kev tiv thaiv’ los ntawm tsoomfwv Thaib (RTG) raws li lub tebchaws txoj cai tshuaj ntsuam, RTG yuav muab kev tiv thaiv rau koj raws li hauv qab no:
- Raws li nqai 25 ntawm NSM Txoj Cai, RTG yuav tso cai rau tus neeg tau txais kev tiv thaiv nyob hauv Thaib teb ib ntus raws li tej xwm txheej tshwj xeeb. Txawm li cas los xij, nws tsis tau txhais meej tias yuav lav tus neeg uas tabtom nyob rau txheej txheem tshuaj ntsuam ntawd kom muaj txoj cai nyob hauv Thaib teb tau thaum uas nws tabtom nyob rau txheej txheem tshuaj ntsuam ntawd. Txoj cai tsuas pub rau tus neeg tabtom nyob rau txheej txheem tshuaj ntsuam nyob hauv “qhov chaw uas tsim nyog, yog nws qhia ntshis nws tug kheej rau cov neeg ua haujlwm saib xyuas”.
- RTG yuav pab txhawb tug neeg ntawd li kev yeem rov qab mus rau nws lub tebchaws, yog tias muaj kev nyab xeeb thiab tsim nyog rov qab tau.
- Tub ceev xwm yuav tsis xa koj rov qab mus rau koj lub tebchaws, yog RTG tsis muaj kev txiav txim siab tias qhov uas koj nyob hauv Thaib teb yuav tsim kev txhawj xeeb txog “kev ruaj ntseg hauv tebchaws”.
Leej twg yog tus tsim nyog tau txais kev tiv thaiv?
Txhua tus neeg txawv teb chaws tuaj yeem thov ua tus neeg tau txais kev tiv thaiv los ntawm kev xa ntawv thov mus rau cov neeg ua haujlwm saib xyuas. Ib tus neeg ua haujlwm yuav txiav txim siab tsis pub dhau 30 hnub tom qab hnub uas lawv tau txais daim ntawv thov raws li seb koj puas muaj cai ua ntawv thov ua tus neeg tau txais kev tiv thaiv. Qhov no tsuas yog kev txiav txim siab seb koj puas muaj cai thov xwb, tsis yog kev txiav txim tias koj puas tau ua tus neeg tau txais kev tiv thaiv.
Kuv yuav ua li cas yog tias kuv qhov kev thov raug tshem?
Yog tias koj daim ntawv thov kev tiv thaiv raug tshem tseg, koj yuav tau txais lus ceeb toom txog qhov kev txiav txim siab no. Koj muaj cai rov qab thov dua zaum ob mus rau pawg neeg saib xyuas tsis pub dhau 15 hnub tom qab tau txais lus ceeb toom. Qhov kev txiav txim zaum ob ntawm pawg neeg saib xyuas yog qhov xaus kawg.
Kuv yuav ua li cas yog tias pawg neeg saib xyuas pom tias kuv muaj cai thov?
Yog tias koj daim ntawv thov raug lees txais, koj yuav tau txais lus qhia kom xa daim ntawv thov ua tus neeg tau txais kev tiv thaiv mus rau pawg neeg saib xyuas tsis pub dhau 60 hnub. Yog tias koj tsis ua li ntawd, yuav xam tias koj tau tso tseg koj qhov kev thov thiab tej zaum yuav raug coj raws li txoj cai lij choj kev nkag tebchaws Thaib thiab lwm yam kev cai lij choj. Thaum ntawd koj yog “tus neeg tabtom nyob rau hauv kev tshuaj ntsuam”.
Leej twg muaj cai txiav txim siab?
Pawg neeg saib xyuas kev tshuaj ntsuam, hu ua “Pawg Neeg Tshuaj Ntsuam Muab Kev Tiv Thaiv”, muaj cov neeg sawv cev los ntawm Royal Thai Police, Ministry of Interior, Ministry of Foreign Affairs, Ministry of Social Development and Human Security, Ministry of Justice, Ministry of Labor, National Intelligence Agency, Office of the National Security Council, Office of the Attorney General, Special Branch Bureau, cov kws tshaj lij, thiab Sub-Division 4 ntawm Immigration Bureau.
Kuv yuav ua li cas yog tias kuv qhov kev thov raug thim?
Yog tias koj qhov kev thov raug thim, koj yuav tau txais lus ceeb toom thiab koj cov ntaub ntawv yuav raug xa mus rau cov neeg muaj cai ua raws li txoj cai lij choj kev nkag tebchaws Thaib thiab lwm yam kev cai lij choj. Kev txiav txim ntawm pawg neeg saib xyuas yog qhov kawg thiab tsis pub rov hais dua.
Kuv puas muaj cai thov dua?
Tsis tau, koj tsis muaj cai rov qhib lossis rov ua ntawv tshiab tuaj thov dua. Txawm li cas los xij, yog tias pawg neeg saib xyuas xav tau cov ntaub ntawv tshiab lossis qhov tseeb, koj muaj cai xa ntawv thov tshiab.
Kuv puas yuav tau txais ntaub ntawv pov thawj?
Yog tias pawg neeg saib xyuas txiav txim siab lees koj ua tus neeg tau txais kev tiv thaiv, koj yuav tau txais ib daim ntawv pov thawj qhia tias koj yog tus neeg tau txais kev tiv thaiv.
Txoj cai no yuav pab kuv li cas?
Koj yuav muaj cai nyob ib ntus hauv Thaib teb. RTG tuaj yeem pab txhawb kev rov qab mus rau koj lub tebchaws lossis mus rau lwm lub tebchaws thib peb. RTG yuav tsis xa koj rov qab mus, tsuas yog yog koj xaiv mus lossis muaj teeb meem kev ruaj ntseg hauv tebchaws. Koj tseem yuav muaj cai tau txais kev kho mob thiab kev kawm raws li nqai 25(4) ntawm txoj cai.
Kuv puas muaj cai ua haujlwm?
Kev ua haujlwm raug cai tsis tau suav hauv txoj cai no, tab sis tus neeg tau txais kev tiv thaiv yuav raug tso cai nyob ib ntus thiab tej zaum yuav tau txais kev kawm rau menyuam yaus thiab kev kho mob.
Kuv puas yuav tsum thov yog tias kuv twb yog neeg tawg rog UNHCR lawm?
Txhua tus neeg txawv teb chaws tuaj yeem thov tau. Kev txiav txim ntawm UNHCR yuav raug coj los xav txog, tab sis kev txiav txim kawg ntawm pawg neeg saib xyuas yuav zoo ib yam lossis txawv.
Kuv puas muaj cai mus nyob tebchaws thib peb?
Paub tsis meej. Ministry of Foreign Affairs, Ministry of Interior, Office of the National Security Council, lossis Royal Thai Police yuav txiav txim siab seb puas nyab xeeb thiab tsim nyog rau tus neeg tau txais kev tiv thaiv rov qab mus rau nws lub tebchaws lossis raug xa mus rau tebchaws thib peb.
Kuv puas yuav tau txais kev pab txhais lus?
Tsis paub meej tias pawg neeg saib xyuas puas muab ib tus neeg txhais lus lossis puas pub koj coj koj tus kheej tus neeg txhais lus.
NSM puas siv tau rau cov neeg nyob tebchaws ib puag ncig?
Tsis tau txiav txim siab txog qhov no.
Kuv yuav nrhiav cov ntaub ntawv ntxiv qhov twg?
Hu rau Center for Asylum Protection (CAP) ntawm 02 116 0405 lossis 02 116 0406 lossis saib National Screening Mechanism video uas piav qhia ua 9 yam lus.
Daim ntawv qhia txheej txheem tshuaj ntsuam
